Pride-parade på Evje

Pride-månaden juni er forbi, men på Evje er det i morgon klart for årets Prideparade gjennom sentrum av bygda før Pride-fest på Dølen Hotel.

Arrangørane fortel at det i år blir oppmøte på grusbanen ved Alfred Uglands veg på Evje før paraden. Derfrå går det fargerike toget gjennom sentrum før folk samlar seg på Dølen Hotel med talar både av Grethe Nygaard frå Evje og Hornnes Arbeiderparti og frå Kai Steffen Østensen som er leiar av Åpen folkekirke.

Natalia Marin bidreg med songinnslag og Voiman bidreg også musikalsk under arrangementet før det blir AfterPride med musikk frå DJ-KUHNE.